“Omonia është vetëm një dhe Partia Bashkimi për të Drejtat e Njeriut është ajo që përfaqëson atë politikisht” – u shpreh Konsulli i Përgjithshëm grek në Korçë z. Joanis Pedhiotis, në takimet e zhvilluara në qytetin e Pogradecit dhe në fshatin Polenë te Korçës, me antarë të organizatës Omonia të këtyre njësive administrative. Qëllimi i organizimit të këtyre takimeve ishte njohja nga afër me problemet e këtij minoriteti, angazhimi per t’I shërbyer atij dhe njëkohësisht për t’I njohur me fillimin e proçedurës për pajisjen me dokumentin e shtetësisë, për të gjithë ata që plotësojnë kushtet sipas legjislacionit grek. Në këto takime Konsulli i Përgjithshëm shoqërohej nga Kryetari i Omonias, Dega Korçë z.Ligoraq Karamelo, Kryetari i PBDNJ-së dega Korçë z.Arben Ilia, Drejtues vendor të shoqatës Omonia, këshilltarë lokalë të PBDNJ-së etj. Takime të tilla do të organizohen në vazhdimësi edhe në qytete e fshatra të tjerë të qarkut të Korçës.