Kryetari i PBDNJ-së, Vangjel Dule e konsideron proces fals që dëshmon dështimin e klasës politike këtë që po ndodh në vend për zgjedhjen e presidentit. “Mazhoranca sërish e dëshmoi edhe me tërheqjen e Hoxhës se nuk mund të zgjedhë Presidentin e Republikës as me shumicë të thjeshtë. I drejtohem opozitës dhe Ramës se në momente të tilla, kur kemi një mazhorancë të paaftë, opozita nuk mund t’i shmanget betejës politike. Duhet që të dalë përpara dhe të ofrojë alternativën e vet dhe të propozojë Fatos Nanon”, tha Dule.

“Procesi i zgjedhjes së presidentit po kthehet një proces fals dhe tregon dështimin e klasës politike. Deputetët duhet t’u pëgjigjen sfidave në kuadër të integrimit të Shqipërisë në Bashkimin Evropian. Mazhoranca e dëshmoi se nuk mund të zgjedhë presidentin e Republikës me shumicë të thjeshtë. I drejtohem liderit të opozitës, Edi Rama, se në momente të tilla, opozita nuk mund t’i shmanget rolit të saj. Është edhe kërkesë e shoqërisë, të ofrojë alternativën e vet. Tani është momenti të shpëtojmë procesin, të shpëtojmë atë që ka mbetur. Të propozohet Nano, i cili do të ishte zgjidhja optimale” shtoi Dule.