Kryetari I PBDNJ-së dhe njëherazi Zëvendëskryetar i Kuvendit z. Vangjel Dule priti në selinë e PBDNJ-së znj. Conny McCormack, e cila kryesoi misionin e Vëzhguesve Ndërkombëtarë të OSBE-ODIHR-it për zgjedhjet parlamentare të 23 qershorit.
Në takim u theksua fakti se në zgjedhjet parlamentare të 23 qershorit u zhvillua një proces i rregullt zgjedhor, u pranua nga te gjitha palët rezultati i zgjedhjeve dhe gjithashtu u shënua progres në kryerjen e administrimit të procesit zgjedhor.
Kryetari I PBDNJ-së z. Vangjel Dule krahas të tjerave falënderoi znj. Conny McCormack për misionin e suksesshme dhe kontributin e veçante të misionit të OSBE-ODIHR në këto zgjedhje. Gjithashtu ai u ndal të disa çështje që dëmton procesin zgjedhor si : Fakti që ky sistem zgjedhor (sistemi proporcional rajonal me lista te mbyllura) nuk prodhon një klasë të shëndetshme të zgjedhurish drejtpërsëdrejti nga vota e popullit. Administrimi i procesit zgjedhor mbetet politik në dorë të dy partive të mëdha duke cenuar ndershmërinë e procesit sidomos në zonat e Minoritetit Etnik Grek ku PBDNJ-a është forcë e pare politike.
Për rrjedhoje z. Vangjel Dule insistoi që është koha për një reformë elektorale gjithëpërfshirëse dhe me asistence efektive të OSBE-ODIHR për te mënjanuar administrimin politikë të procesit zgjedhorë, për të përmirësuar sistemin zgjedhor me qellim që në zgjedhjet ardhshme lokale Shqipëria të tregoi se mundë të zhvilloi zgjedhje të lira, drejta e të barabarta, me standarde evropiane.
Takimi u përshkrua nga fryma e konstruktivitetit dhe të dëshirës që vendi ynë të arrijë dhe të plotësoi kushtet e kriteret për zgjedhjet elektorale që kërkon anëtarësimi i tij në BE.
0 comments