Subscribe to RSS
banner

News back to homepage

Kryetari i PBDNJ –së z. Vangjel Dule intervistë për aktualitetin politik në TVSH [VIDEO] Kryetari i PBDNJ –së z. Vangjel Dule intervistë për aktualitetin politik në TVSH [VIDEO]

Kryetari i PBDNJ –së z. Vangjel Dule intervistë për aktualitetin politik në TVSH [VIDEO]

 

Kreu i  PBDNJ-së  Vangjel Dule ka marrë pjesë në ceremoninë e një vjetorit të vdekjes së Konstandinos Kacifas duke kërkuar zbardhjen e të vërtetës [BINTEO] Kreu i PBDNJ-së Vangjel Dule ka marrë pjesë në ceremoninë e një vjetorit të vdekjes së Konstandinos Kacifas duke kërkuar zbardhjen e të vërtetës [BINTEO]

[BINTEO]  Kreu i Partisë Bashkimi për të Drejtat e Njeriut Vangjel Dule ka marrë pjesë në ceremoninë e një vjetorit të vdekjes së Konstandinos Kacifas duke kërkuar zbardhjen e të vërtetës.

 

 

 

Vangjel Dule në “Open”: Zgjedhjet e 30 qershorit të padekretuara! Vangjel Dule në “Open”: Zgjedhjet e 30 qershorit të padekretuara!

Dule tha se nuk do të mundet që të kemi institucione serioze nga zgjedhje skandaloze.

 

Top Channel

Vangjel Dule: Parlament ilegjitim, nuk mund të shkarkojë Presidentin [video] Vangjel Dule: Parlament ilegjitim, nuk mund të shkarkojë Presidentin [video]

Kryetari i PBDNJ-së Z. Vangjel Dule në emisionin “Ditari” në A2 CNN

 

 

 

 

 

 

Kryetari i PBDNJ-së Z. Vangjel Dule në edicionin e lajmeve të Vizion Plus [BINTEO] Kryetari i PBDNJ-së Z. Vangjel Dule në edicionin e lajmeve të Vizion Plus [BINTEO]

Kryetari i PBDNJ-së Z. Vangjel Dule  në edicionin e lajmeve të Vizion Plus

 

 

Takim i 5 partive të Qendrës së djathtë: Qeveri tranzitore, Meta të shtyjë me 6 muaj zgjedhjet vendore Takim i 5 partive të Qendrës së djathtë: Qeveri tranzitore, Meta të shtyjë me 6 muaj zgjedhjet vendore

Krerët e 5 partive aleate të Partisë Demokratike, Vangjel Dule i PBDNJ , Fatmir Mediu i PR, Agron Duka i PAA, Nard Ndoka i PDK dhe Dashamir Shehi i LZHK  , zhvilluan një bashkëbisedim të hapur me qytetarët. Në këtë organizim, që tashmë njihet si “Forumi për Zgjedhje të Lira”, që u organizua në Kamëz, u diskutua mbi për krizën politike, institucionale dhe ekonomike në të cilin ndodhet vendi.

Krerët e partive opozitare kërkuan nga qytetarët që të vijojnë rezistencën e tyre, të marrin pjesë masivisht në protestën e datës 8 qershor, si dhe i bënë thirrje Presidentit të Republikës, si i vetmi autoritet kushtetues, të deklarojë shtyrjen e zgjedhjeve lokale me 6 muaj.

 

“E shihni, sot dhe përditë, që vazhdon të mbretërojë si një sulltan në të gjitha institucionet shqiptare. Ka kaluar në delir. Krye ‘skifteri’ është ky vet, i cili ka vjedhur zgjedhjet. Kështu që ju bëj thirrje të gjithëve të vazhdojmë të jemi qëndrestarë, dhe të mblidhemi në protestën e ditës së shtunë, të jemi edhe shumë më tepër, sepse besoj se jeni irrituar me këto që po dëgjoni mbi ato që ai ka bërë gjatë zgjedhjeve. Nuk kanë vjedhur persona të veçantë, apo kryetarë bashkish, ka qenë ky shefi i vjedhjeve. Nuk mund të vidhte Dako pa bekimin e këtij, i ka bekuar ky këta, por ç’është më e keqja, mirë se i ka bekuar për vjedhje, por këta njerëz i ka marrë dhe i ka çuar në pushtet”, u shpreh Agron Duka i PAA.

“I kërkoj Presidentit të Republikës, si autoriteti kushtetues i vetëm i këtij vendi, i cili duhet të garantojë unitetin e popullit; i cili duhet të garantojë një shoqëri demokratike e pluraliste; i cili duhet të garantojë nga pikëpamja kushtetuese një shoqëri që bazohet mbi votën e lirë, të deklarojë shtyrjen e zgjedhjeve lokale me 6 muaj. Në qoftë se Presidenti i Republikës ka deklaruar që është i gatshëm, në qoftë se do të ketë mirëkuptim politik, ne sot kuptojmë që nuk ka mirëkuptim nga pushteti i krimit.

Prandaj është e rëndësishme që të shtyjmë zgjedhjet për 6 muaj dhe të ndërtojmë një qeverisje tranzitore. Me burra dhe gra me integritet nga të dyja krahët politike, por edhe akademikë, të cilët të çojnë vendin në një qeverisje për të garantuar atë që është më e rëndësishmja: Zgjedhje të lira dhe të ndershme”, tha kreu i Partisë Republikane, Fatmir Mediu.

“Pak nga pak, ngjan sikur jemi përshtatur edhe ne me pabarazinë, me padrejtësinë, me votën e vjedhur, shpeshherë edhe duke mitizuar pushtetarët, qeveritë, duke u dhënë pushtete të pa kontrollueshme. Këto gjera Europa nuk i pranon, janë realitete të ndaluara, me të cilat nuk mund të bashkëjetojë. Në tavolinën europiane politikanë të korruptuar si Edi Rama nuk mund, dhe nuk do të rrinë asnjëherë të barabartë. Jemi brez i humbur, ne po se po, por mbi ne rëndon edhe përgjegjësia nëse do të jetë i humbur edhe brezi i fëmijëve tanë. Nuk mund t’ia falim një brez të tërë, të shoqërisë sonë, Edi Ramës dhe interesave të tij okulte. Duhet të ndërgjegjësohemi!”, deklaroi Vangjel Dule.

“Ky njeri na ka futur dorën në xhep të gjithëve neve, dhe e ndan me këto 10-15 vetë. Një pjesë e këtyre parave kanë ardhur edhe nëpërmjet duarve të zeza fare, nga duart e drogës dhe të krimit e po shërbejnë për të blerë votat. Tani ky lloj rrethi, që merr lekët për të blerë votat, mbasi merr votat merr pushtetin për të vjedh lekët, për të blerë votat përsëri, për t’u rrotulluar përsëri këtu, në qoftë se ne nuk do ta ndalojmë do të na ndjekë gjithë jetën. Duhet me e ndalu’, me e thy’, këtë lloj rrethi të keq. Na takon të ngrihemi, të rezistojmë, kjo është betejë jetë a vdekje”, u shpreh Dashamir Shehi.

“E vetmja mënyrë me të është përballja, dhe përballja është protesta. Çdo gjë e ka një lloj fundi, për atë, të merituar. E kanë shoqëruar skandalet, nuk është thjeshtë dëshira jonë për ta larguar, apo e opozitës për të ardhur në pushtet. Nuk ka kërkuar pushtet opozita, nuk kërkon pushtet Lulzim Basha, ne kërkojmë largimin e këtij kryeministri që është kapur peng nga grupet kriminale. Ta mbyllim me një ‘Rama ik’ të fuqishëm!”, tha Nard Ndoka.

 

 

 

 

 

Takim i 5 partive të Qendrës së djathtë në Shkodër Takim i 5 partive të Qendrës së djathtë në Shkodër

Qyteti i Shkodrës ka qenë ndalesa e pestë e ‘Forumit për Zgjedhje të Lira’, i organizuar nga ‘Grupimi i Qendrës së Djathtë’. Aleatët e Partisë  Demokratike,Dashamir Shehi, Nard Ndoka, Fatmir Mediu, Vangjel Dule dhe Agron Duka, kanë zhvilluar një bashkëbisedim mbi situatën në vend me strukturat dhe simpatizantët e partive që drejtojnë.

 

Krerët e partive opozitare, me qëndrimin e unifikuar për zgjedhje të lira dhe të ndershme, kanë sqaruar arsyet përse kanë ndërmarrë këtë nismë dhe kanë njohur mbështetësit e tyre me ‘Platformën për Marrëveshje Kushtetuese’ me 12 pika, dhe kanë siguruar se në 30 qershor, zgjedhje pa opozitën, ‘nuk duhet, nuk mund dhe nuk do të ketë’!

“Kryeministri, ata që janë në Parlament sot, i anatemon, i quan zëvendësues të Partisë Demokratike. Ata, të paktën në këto momente, përderisa mendojnë se zgjedhje me një parti nuk mund të ketë, duhet të bojkotojnë Parlamentin. Ne marrim përsipër, që sëbashku, e gjithë politika të dakordësohet, të ketë vullnet pozitiv, të shkëputet nga krimi përfundimisht, dhe kjo bëhet vetëm nëpërmjet një qeverie kalimtare e cila kërkon një kohë të caktuar, nuk mund të bëhet as për një javë, as për dy javë, as për një muaj dhe as për dy muaj por ndoshta do të kërkojë një periudhë 5-6 mujore.”u shpreh kreu i PAA, Agron Duka

“Nuk kemi një shtet që zbaton dhe respekton Kushtetutën, por jemi shndërruar në një Republikë të Kryeministrit. Nuk kemi pushtet gjyqësor funksional. Problemi i dytë i madh që kemi ne janë liritë politike, në momentin kur qytetarët nuk janë të lirë për të votuar, për të përcaktuar me votën e tyre se kush është e ardhmja e fëmijëve të tyre, e familjeve të tyre, e Shkodrës dhe mbarë Shqipërisë, atëherë ne nuk kemi bërë as më shumë e as më pak, por jemi kthyer në një lloj sistemi autoritar, të ngjashëm me diktaturën, ku vendoset çdo gjë nga një grup njerëzish politik. Prandaj, kemi propozuar një sistem proporcional, kombëtar apo rajonal, me lista të hapura. Do të ishte një zhvillim pozitiv për politikën dhe kthimin e kushtetutshmërisë në Kuvendin e Shqipërisë.”theksoi kreu i PR, Fatmir Mediu.

“Mijëra qytetarëve që kanë protestuar në Tiranë. Askush nuk është sprapsur, ka pasur rritje të qytetarëve që e kuptojnë se ky është mesazhi më i fort që i jepet politikës shqiptare në tërësi, dhe ju bëj thirrje që në 2 qershor të jemi të gjithë sëbashku, për të protestuar, për të sensibilizuar. Jo vetëm qytetarët shqiptarë dhe faktorin ndërkombëtar, por të japim shpresë për çdo njeri. Edhe për ata socialistë që e shohin me shqetësim lajthitjen e kryetarit të tyre politik.” deklaroi kreu i PDK, Nard Ndoka.

“Ju si shkodranë keni qenë përherë në krye të betejave demokratike. Më 30 qershor zgjedhje nuk duhet, nuk mund dhe nuk do të ketë, por kjo nuk mjafton. Duhet të jemi të gjithë, si sot, më shumë nesër, me qëllim jo vetëm të mos realizohen zgjedhje në 30 qershor, por kur të realizohen ato në vjeshtë, zgjedhje parlamentare dhe zgjedhje për pushtetin vendor, pasi të jetë ngritur një qeveri tranzitore, duhet të jenë zgjedhje me një mesazh të fuqishëm, se Shqipëria nuk do t’i kthehet më asnjëherë praktikave totalitare, të një qeverisje që pretendon se është zgjedhur në mënyrë demokratike.” tha kreu i PBDNJ, Vangjel Dule.

“Ne po rezistojmë për gjënë që është më esenciale që kemi fituar këto 27-28 vjet, lirinë për të zgjedhur. Po e humbëm edhe këtë, këtu demokracia mbetet një fjalë boshe pastaj, dhe kthehemi atje ku kemi qenë. Kështuqë, edhe njëherë, do t’ju ftoja të vimë ditën e dielë, do të na duhet edhe një e dielë tjetër ndoshta, do të na duhet këtu në Shkodër të organizohemi më shumë, sepse rrugë tjetër nuk na ka mbetur. Ai zotëria po tenton me një parti, ne do t’i themi ‘nuk do të lejojmë’, kjo është e drejta jonë. Kemi mundësi të kemi pluralizëm, po qemë të zotët ia arrijmë, po na thyen, bravo ju qoftë, do t’i durojmë pastaj, do të ulim kokën e të rrimë. Unë ju falenderoj se jam i sigurt që Shkodra s’ka ndërmend ta ulë kokën.” u shpreh kreu i LZHK, Dashamir Shehi.

Krerët e partive opozitare e mbyllën takimin duke u bërë thirrje qytetarëve t’i bashkohen protestës së opozitës në datën 2 Qershor.

 

 

 

Kryetari i PBDNJ-së Z. Vangjel Dule denoncon hetimet farsë të dhjetëra pjesëtarë të MEG për vepra terroriste Kryetari i PBDNJ-së Z. Vangjel Dule denoncon hetimet farsë të dhjetëra pjesëtarë të MEG për vepra terroriste

DEKLARATË PËR MEDIA

Ditët e fundit Prokuroria e Krimeve të Renda po thërret dhjetëra pjesëtarë të Minoritetit Etnik Grek në cilësinë e personave ndaj të cilëve zhvillohen hetime për veprën penale të parashikuar nga Neni 50 (vepra terroriste kundër përfaqësuesve të shtetit dhe të Partisë së Punës të Shqipërisë ose kundër personave të tjerë për shkak të veprimtarisë së tyre shtetërore ose shoqërore) dhe neni  13 i Kodit Penal (Ligji 5591 dt. 15.06.1977, ndryshuar me Ligjin nr. 6300 dt. 27,03.1981), lidhur me procedimin penal me nr. 26 të vitit 2019.

 

Përmbajtja, forma si edhe metodat e përdorura na sjellin të gjithëve ndërmend Dosjen famëkeqe ”Lotus” të frymëzimit Gazidede të vitit 1994, pogromin hetimor të qindra pjesëtarëve të Minoritetit Etnik Grek dhe Gjyqin-farsë  ndaj pesë liderëve të OMONOIAS.

 

Pavarësisht faktit se sajesa haluçinante “Lotus” ra në Parlament, në Gjykatë, në opinionin vendas dhe ndërkombëtar, askush nuk mund të neglizhojë traumat qe ajo la në radhët e Minoritetit Etnik Grek, në imazhin e vendit tonë në arenën ndërkombëtare dhe, natyrisht, në marrëdhëniet me partnerët perëndimorë. Nuk duhet harruar se u desh edhe përfshirja e Shtëpisë së Bardhë me të dërguar të posaçëm për zbardhjen e së vërtetës dhe normalizimin e situatës.

 

Riciklimi i kësaj çështjeje në shërbim të konsumit politik të ditës përmban elemente qe dëshmojnë se ka individë dhe grupime, në politikë dhe, fatkeqësisht edhe në drejtësi qe synojnë të mbajnë të gjalla stereotipe dhe paragjykime – reminishenca të regjimit totalitar  ndaj anëtarëve të Minoritetit Etnik Grek, të krijojnë klimë represioni dhe pasigurie në radhët e tyre, të kultivojnë artificialisht frymë kundërvënieje etnike, duke cenuar bashkëjetesën harmonike.

 

Apeli ynë është në krahë krejt të kundërt: të ridimensionohen politikat e garantimit të respektimit të të drejtave të Minoritetit Etnik Grek, qeveria të plotësojë kuadrin ligjor implementues për të cilin është angazhuar në Bashkimin Evropian dhe në Këshillin e Evropës, por qe pa asnjë arsye po e vonon prej më shumë se një viti, rritjen e përpjekjeve sistematike për krijimin e një opinioni publik evropian në lidhje me respektimin e të drejtave të minoriteteve.

 

Në mënyrë të veçantë i drejtohemi Drejtësisë qe te mos behet pjese e lojërave politike dhe të jetë institucionalisht më e vëmendshme ndaj gjuhës dhe akteve të urrejtjes etnike të manifestuara nga individë të veçantë deri edhe në grupime politike dhe media, ndaj të cilave deri tani ka demonstruar një tolerancë të papranueshme.

 

 

 

 

 

Takim i 5 partive të Qendrës së djathtë në Lezhë Takim i 5 partive të Qendrës së djathtë në Lezhë

Lezha ishte ndalesa e radhës e ‘Grupimit të qendrës së djathtë’. Krerët e 5 partive aleate të Partisë Demokratike, Vangjel Dule i PBDNJ, Fatmir Mediu i PR, Agron Duka i PAA, Nard Ndoka i PDK, dhe Dashamir Shehi i LZHK   zhvilluan një bashkëbisedim të hapur me strukturat dhe mbështetësit e partive që drejtojnë.

Në këtë organizim, që tashmë njihet si ‘Forumi për Zgjedhje të Lira’, u diskutua për krizën politike, institucionale dhe ekonomike në të cilin ndodhet vendi.

‘Mbas 30 vitesh tranzicion, ka ardhur koha që njëherë e përgjithmonë zgjedhjet të zhvillohen të lira, të ndershme dhe të barabarta, me një ‘qeveri Tranzitore’ pa Edi Ramën kryeministër.’

Krerët e partive opozitare deklaruan se qytetarët nuk do të lejojnë që zgjedhjet e 30 qershorit të kthehen në një farsë të demokracisë. Duke i bërë apel të gjithë elementëve të përgjegjshëm të shoqërisë dhe politikës shqiptare, për të shmangur përplasjen dhe konfliktin, theksuan se’ është e domosdoshme krijimi i kushteve politike për ngritjen e një qeverie tranzitore; e cila do të çlirojë zgjedhjet, ekonominë dhe rrugën europiane të Shqipërisë, si dhe, pas tri dekadash, t’i japë fund trazicionit të tejzgjatur.’

Ata e mbyllën takimin duke u bërë thirrje qytetarëve të angazhohen jo vetëm në moslejimin e zgjedhjeve farsë, por edhe në pjesëmarrjen sa më të gjerë në protestën e thirrur nga opozita e bashkuar në datën 25 maj.

 

 

Forumi i 5 partive të opozitës: Zgjedhje të lira vetëm me qeveri tranzitore Forumi i 5 partive të opozitës: Zgjedhje të lira vetëm me qeveri tranzitore

Pas Tiranës dhe Durrësit, ‘Forumi për zgjedhje të lira’, i organizuar nga ‘Grupimi i Qendrës së Djathtë’, është ndalur në qytetin e Fierit.

Aleatët e Partisë Demokratike,kreu i LZHK-së Dashamir Shehi, kreu i PDK-së Nard Ndoka,kreu i PR-së Famtir Mediu Mediu, kreu i PBDNJ Vangjel Dule dhe kreu i PAA-së Agron Duka, kanë zhvilluar një bashkëbisedim mbi situatën në vend me strukturat dhe simpatizantët e partive që drejtojnë.

 

Krerët e partive opozitare, me qëndrimin e unifikuar për zgjedhje të lira dhe të ndershme, kanë sqaruar arsyet pse kanë ndërmarrë këtë nismë dhe, gjithashtu, kanë njohur mbështetësit e tyre me ‘Platformën për marrëveshje kushtetuese’ me 12 pika të prezantuar pak kohë më parë.

Duke komentuar dy protestat e fundit kombëtare, të zhvilluara nga opozita e bashkuar, ata i kanë bërë apel qytetarëve për vijimin e qëndresës ndaj mazhorancës ilegjitime:

Opozita deklaron se nuk do të lejojë që në 30 qershor të zhvillohen zgjedhje farsë. Sipas saj, zgjedhje të lira dhe të ndershme mund të organizohen dhe garantohen vetëm nga një qeveri Tranzitore.

 

(BalkanWeb)

Contacts and information

Social networks

Most popular categories

Buy This Theme
© 2011 Gadgetine Wordpress theme by orange-themes.com All rights reserved.