Pesë kryetarët e partive të grupimit të qendrës së djathtë PBDNJ , PR, LZHK, PPA, dhe PDK, të cilët nuk janë regjistruar për zgjedhjet e 30 qershorit, zhvilluan një takim me ambasadorin europian në vendin tonë Luigi Soreca.
Kreu i PBDNJ-së, Vangjel Dule:
Dule: Grupimi i partive të qendrës së djathtë kanë nisur një aktivitet që është një vlerë e shtuar në aksionin e përbashkët opozitar siç u nënshkrua para dy ditësh me PD. Boshti kryesor është shërbimi i axhendës opozitare që ka për synim që përfundimisht në vendin tonë të shkulet rrënja e së keqes që ka sjellë cikle të njëpasnjëshme krizash politike dhe për rrjedhojë edhe ekonomike dhe shoqërore.
Jemi të vendosur që me të gjitha mjetet dhe mënyrat që na imponon demokracia të aktivizojmë çdo qelizë të shoqërisë por në të njëjtën kohë të sensibilizojmë të gjithë partnerët tanë ndërkombëtarë me qëllim që zgjidhja të vijë sa më shpejt dhe me sa më pak kosto. Përvojat e hidhura të së shkuarës. 2017 nuk është shumë larg, duhet të na bëjnë të gjithë më të mençur, më të matur dhe të urtë, sidomos mazhorancën dhe kryeministrin që nuk janë ndërgjegjësuar ende për krucialitetin e situatës politike në vend dhe sillen me një arrogancë, prepotencë dhe mentalitet cubi.
Në mbyllje të takimit, Fatmir Mediu njoftoi se do ti kërkojnë Presidentit Ilir Meta të thërrasë një tryezë me përfaqësues të pozitës dhe opozitës për zgjidhjen e krizës politike në vend.
0 comments