Kreu i PBDNJ-së, Vangjel Dule ka reaguar pas thirrjes së Këshillit të Europës për regjistrimin e minoriteve. Dule tha se ky është një realitet i hidhur në Shqipëri.
Ndërsa i kërkoi qeverisë të instituticionalizojë një dialog permanent mes strukturave shtetërore dhe qeveritare për plotësimin e kuadrit ligjor për të drejtat e minoriteteve.
‘Në shtetin tonë nuk respektohen në masën që i kërkohen të drejtat e pjesëtarëve të minoriteteve etnike. PBDNJ i drejtohet qeverisë por edhe klasës politike në vendin tonë se Shqipëria ka nevojë për instituticionalizimin e një dialogu permanent dhe të sinqertë midis strukturave shtetërore dhe qeveritare me qëllim që të plotësojë kuadrin ligjor, të amendojë dhe ta përmirësoj atë që të përputhet me standardet e respektueshme në juridiksionin e Këshillit të Evropës dhe Bashkimit Europian.
Të ngrihen të gjitha instrumentet e nevojshme në nivel lokal dhe qendror që do mundësojnë këtë dialog por edhe implementimin e legjislacionit. Duhet kultivuar ai vullnet politik, i cili në masë të konsiderueshme mbetet negativ ose inekzistencë në lidhje me respektimin e të drejtave të minoriteteve. Fatkeqësisht jemi vendi me standardet e të ultë të respektimit të drejtave të tyre.
Themeli i respektimit të të drejtave është njohja e të drejtës së vetëdeklarimit. Ne jemi të gatshëm për të marrë iniciativat e duhura dhe të shtrijmë dorën për të gjithë ata aktorë dhe faktorë që interesohen për përmirësimin e standardeve te drejtave të pjesëtarëve të minoriteteve’, u shpreh kreu i PBDNJ-së, Vangjel Dule.
0 comments