Sipas zhvillimeve politike në vend të lidhura këto me marrëveshjen e momentit të fundit për zhvillimin e zgjedhjeve me pjesëmarrjen e opozitës si edhe ndërhyrjeve në Kodin Zgjedhor që rëndojnë akoma më shumë formacionet e vogla politike edhe ato në kohë jashtë logjikës elektorale, PBDNJ (Partia Bashkimi për të Drejtat e Njeriut) u orientua për nga rrugëdalja politike thuajse e vetme për garantimin e dimensionit të tij parlamentar.

Në bazë edhe të konsekuencës në marrëdhënien e Partisë Demokratike të opozitës kryesore për të rehabilituar paritë më të vogla që morën pjesë në bojkotin afatgjatë nga procedurat paraelektorale ligjore, me synim natyrisht garantimin e zgjedhjeve të lira dhe të drejta, PBDNJ vendosi bashkëveprimin paraelektoral me PD.

Kryetari i PBDNJ-së z. Vangjel Dule u përfshi në listën e kandidatëve të PD për Zonën Zgjedhore të Vlorës  në vendin e tretë që konsiderohet fituese në çdo rezultat eventual. Kryetari i Degës së OMONOIA-s në Korçë dhe ish deputeti Ligoraq Karamelo në vendin e gjashtë të listës në Korçë që konsiderohet nderues dhe ruan perspektivën kur të krijohen kushte të reja.

Në këto kushte PBDNJ do të jetë në Parlament si një instrument bazik për vijimin e kontributit të tij politik si për Minoritetin Ethnin Grek edhe për Shqipërinë.

Informacionet e para dhe konsiderata e përgjithshme është se tek kuadrot e PBDNJ dhe OMONOIA në bazë, renditja në atë pozicion të sigurt zgjedhor të z. Dule ka krijuar klimë pozitive, vlerësohet si zhvillimi më i mirë në qorrsokakun e para pak ditëve për mbijetesën politike të shprehjes të pavarur politike të MEG dhe përbën argument thelbësor për intensifikimin e përpjekjes së tyre politike.