Subscribe to RSS
banner

Lajme back to homepage

Kryetari i PBDNJ-se z. Vangjel Dule intervistë për Zërinë e Amerikës 14.11.2017 Kryetari i PBDNJ-se z. Vangjel Dule intervistë për Zërinë e Amerikës 14.11.2017

Vangjel Dule, kryetar i Partisë Bashkimi për të Drejtat e Njeriut, që përfaqëson pakicën greke në Shqipëri, i tha Zërit të Amerikës se duhet të ketë një dialog më intensiv mes Greqisë dhe Shqipërisë për një nivel shumë më të lartë marrëdhniesh mes dy vendeve.

 

Kryetari i PBDNJ-së Vangjel Dule në emisionin “ZONE E LIRE” të Arian Çanit Kryetari i PBDNJ-së Vangjel Dule në emisionin “ZONE E LIRE” të Arian Çanit

Kryetari i PBDNJ-së Vangjel Dule në emisionin “ZONE E LIRE” të Arian Çanit 3/11/2017

 

Fjalimi i Kryetarit të PBDNJ-së z. Vangjel Dule për “Buxhetin faktik” dhe për ngjarjet në Himarë Fjalimi i Kryetarit të PBDNJ-së z. Vangjel Dule për “Buxhetin faktik” dhe për ngjarjet në Himarë

Fjalimi i Kryetarit të PBDNJ-së z. Vangjel Dule për “Buxhetin faktik” dhe për ngjarjet në Himarë

 

Kreu i PBDNJ, Vangjel Dule në Himarë: Rama kërkon shpërnguljen e banorëve Kreu i PBDNJ, Vangjel Dule në Himarë: Rama kërkon shpërnguljen e banorëve

Kreu i PBDNJ, Vangjel Dule ka deklaruar nga Himara se kryeministri Edi Rama po shpërngul banorët himarjotë

 

Sipas tij, banorët e prekur nga prishjet e ndërtimeve nuk po dëmshpërblehen, ndërsa zgjidhje për ta mbetet vetëm shpërngulja, atë që do edhe kryeministri, shtoi ai. “Situata në Himarë është alarmante. Kryeministri Edi Rama do shpërnguljen e banorëve të Himarës”, tha Dule, ndërsa deklaroi se himarjotët nuk do dorëzohen lehtë. Ai theksoi gjithashtu se banesat që po prishen i takojnë minoritetit etnik grek.

…Sjellja e kryeministrit Rama ndaj Himarës dhe himariotëve mund të krahasohet me sjelljen e një pushtuesi. Prej orëve të mëngjesit, Himara sikurse të jetonim në shtet policorë  është në cdo cep të saj në prani të forcave të policisë. E shikoni po cënohen të drejta stërgjyshore pronësore. Cënohen parime elementare të shtetit të së drejtës…

…Nëpërkëmben në mes të ditës demokracia funksionale dhe respektimi  i të drejtave të pjesëtarëve të minoritetit. Himara që u ka rezistuar shekujve me identitetin dhe idealet e veta, që u ka rezistuar stuhive shumë më të vështira se këto të sotmet nuk do të mund të mposhtet nga perversitetet ligjore dhe institucionale aventureske të zotit Rama….

 

….Pa asnjë dokument me fuqi ligjore, pa respektuar asnjë procedurë, krijohen situata si këto që po shikoni. Të cilat për komunitetin e Himarës janë të pa pranueshme, asnjë fakt i kryer nga politikat e z. Ramës nuk do të pranohet. Zoti Rama  duhet që ta marri veshë njëherë e mirë  se Himara që ju ka rezistuar shekujve me identitetin e idealet e veta, nuk mund të mposhtet nga perversitetet ligjore  dhe institucionale aventureske të z. Rama. Jemi të gjithë këtu  do vazhdojmë të jemi të gjithë këtu sot dhe deri sa të fitoi dhe të triumfoi e drejtat. Zotërinjtë që kini si të IKMT-së ashtu edhe të Organeve të Rendit operojnë me shkresa njëra të datës 22.02.2017 dhe Forcat e Rendit me një shkresë që është kërkuar mbështetja e tyre me 18 tetor  për datën  23 tetor 2017. Vete mund të konstatoni se vetë kjo histori është në shërbim të interesave shumë të dyshimta të Kryeministrit Rama…

 

 

 

 

Fjalimi i Kryetarit të PBDNJ-së z. Vangjel Dule për Projektvendimin “Për ngritjen e komisionit të posaçëm parlamentar për Reformën Zgjedhore” Fjalimi i Kryetarit të PBDNJ-së z. Vangjel Dule për Projektvendimin “Për ngritjen e komisionit të posaçëm parlamentar për Reformën Zgjedhore”

Fjalimi i Kryetarit të PBDNJ-së z. Vangjel Dule për Projektvendimin “Për ngritjen e komisionit të posaçëm parlamentar për Reformën Zgjedhore” 13.10.2017

 

 

Fjalimi i Kryetarit të PBDNJ-së z. Vangjel Dule për  Projektligjin “Për Mbrojtjen e Pakicave Kombëtare” Fjalimi i Kryetarit të PBDNJ-së z. Vangjel Dule për Projektligjin “Për Mbrojtjen e Pakicave Kombëtare”

Fjalimi i Kryetarit të PBDNJ-së z. Vangjel Dule për  Projektligjin “Për Mbrojtjen e Pakicave Kombëtare”

 

Pjesa e parë

Pjesa e dytë

Kryetari i PBDNJ-se z. Vangjel Dule intervistë në emisionin Top Story të gazetarit Sokol Balla [video] 27/09/2017 Kryetari i PBDNJ-se z. Vangjel Dule intervistë në emisionin Top Story të gazetarit Sokol Balla [video] 27/09/2017

Për të diskutuar mbi planin e zhvillimit të Himarës dhe përplasjen, jo vetëm me një pjesë të banorëve atje në emisionin Top Story-n ishin  të ftuar Kryetari i PBDNJ-së, Vangjel Dule dhe ministrja e Kulturës, Mirela Kumbaro.

Kryetari i PBDNJ-së, Vangjel Dule, i cili kundërshton planin dhe ndan qëndrimin e OMONIA-s se ky plan synon shpronësimin e qytetarëve që e identifikojnë veten si grekë, e ndau problematikën në tre aspekte.

“Kemi tre aspekte. Është aspekti i projektit të zhvillimit vendor që u miratua me atë mbledhje problematike dhe nga këndvështrimi administrativ të paligjshme dhe e cila krijon shumë probleme, kemi lotin e dytë të rehabilitimit urban në Himarë dhe së treti është projekti drejtpërdrejtë i Ministrisë së Kulturës për rehabilitimin e fasadave dhe qendrave historike në Vuno, Dhërmi dhe Himarë. Të gjitha këto janë kundërshtuar nga banorët e Himarës, sepse fshehin politikat kontradiktore, selektive dhe klienteliste. Në Himarë ka pasur gjithmonë probleme me identitetin”, deklaroi Dule.

Kreu i PBDNJ-së drejtoi gishtin drejtpërdrejtë nga Kryeministri Edi Rama, kur tha se ai “sillet me mentalitet çifligari në Himarë”. Dule tha se plani ka si synim shpronësimin e qytetarëve që e identifikojnë veten si grekë me qëllim zhvendosjen e tyre.

 

Ministrja e Kulturës kundërshtoi Vangjel Dulen. Mirela Kumbaro tha se plani synon vetëm zhvillimin e zonës dhe po përdoret politikisht. Ajo tha se nuk ka minoritet grek në Himarë.

“Në Himarë nuk ka minoritet grek. Në Himarë ka qytetarë grekë që si gjithë qytetarët shqiptarë i nënshtrohen ligjeve të këtij vendi”, tha ajo.

 

Më poshtë mund të shikoni gjithë intervistën:

 

 

 

 

Fjala e z. Vangjel Dule për deklaratat programore të Qeverisë Rama 2 [VIDEO] Fjala e z. Vangjel Dule për deklaratat programore të Qeverisë Rama 2 [VIDEO]

Fjala e z. Vangjel Dule për deklaratat programore të Qeverisë Rama 2 [VIDEO]

 

Vangjel Dule – I nderuar zoti Kryetar i seancës,

Të nderuar kolegë deputetë,

Dëshiroj ta nis me urimet më të mira për të gjithë kolegët deputetë, në veçanti për kolegët e rinj, për një legjislaturë dhe një sesion të mbarë dhe të suksesshëm!

Pavarësisht se isha i sigurt në vetvete për atë që do të gjeja në rreshtat e programit qeveritar dhe përtej tyre, e konsiderova si një ushtrim vullneti dhe i imponova vetes leximin nga kreu në fund;

Në zonën nga vij kemi një shprehje, e cila thotë: “Rrush i vjetshëm dhe i thartë”.  Nuk e di nëse Kryeministri, pati rastin kur u zinte derën qytetarëve gjatë fushatës për dreka-darka, ta dëgjonte këtë proverb.

Një material pa vizion strategjik, pa qasje sistematike, ide të fragmentarizuara dhe të shpërndara. Për metodikë nuk bëhet fjalë! Improvizime, fjalë të stivosura me qëllim të mirëfilltë stilistik duke neglizhuar tërësisht semantikën e tyre. Si gjithmonë Rama i mirëfilltë! Pa fillim, pa mes, pa fund, në idetë dhe konceptet e tij. Një njeri i kapur fort pas timonit, me duar që i dridhen, por që nuk posedon as busull klasike, jo më GPS!

Nuk e di se si e interpretoi thënien e një ish-kryeministri. Ndoshta e mori për kompliment, por është e vërtetë! Çështja nuk është timoni, por destinacioni.     Ky njeri është kapur fort pas këtij timoni, që në fakt nuk di se nga ta drejtojë.

Gjithsekush e ka të qartë  se ky vend, objektivisht, përtej qeverisë dhe ideologjisë së partisë qeverisëse, në programin e tij nuk mund të ketë kryefjalë tjetër veç integrimit. Ta shikojë qytetari dhe shoqëria! Në programin e kësaj qeverie ky kuadrat flet për integrimin, për objektivin strategjik, për ëndrrën shekullore, për realitetin që gjithsecili dëshiron të garantojë, pasi nuk e gëzoi dot për vete, për fëmijët dhe për nipërit.

A mund të besojë kush se në këtë problem qeveritar, ku kryefjalës i kushtohet kaq hapësirë, mund të gjejnë hapësirën e duhur derivatet e tjera të tij?! Nuk ka shpresë!

Po filloj, se jemi edhe në një trysni të pamëshirshme kohe, me disa nga çështjet të cilat lidhen ngushtë me integrimin.

Më takon ta filloj me të drejtat e njeriut dhe të drejtat e minoriteteve në veçanti.

Në mënyrë krejt abuzive iu referua dje zotëria i tij Kryeministër dhe foli për të drejtat e minoriteteve duke përdorur termin e komunistëve të papengueshëm! “Na ka zili bota kapitalisto-revizioniste”, thoshte shoku Enver. Sot “Na kanë zili për standardet e respektimit të të drejtave të minoriteteve”!

Të nderuar kolegë,

Duhet të jemi të sinqertë.  Me minoritetet ka gjithmonë probleme, me minoritetet ka gjithmonë shqetësime. Ka ulje dhe ngritje në politikat që i trajtojnë ato, veçse duhet të ruajmë një dinamikë pozitive, në rritje, gjithmonë duke përafruar realitetet tona me realitetet, standardet dhe parametrat e gjithëpranuara, që janë një realitet i përditshëm dhe i prekshëm në familjen europiane.

Gjithmonë, në të gjitha qeveritë e mëparshme ka pasur probleme të tilla, por nuk kemi pasur, ashtu siç ndodh me qeverinë e zotit Rama, hapa sistematike mbrapa, që përbëjnë edhe trend. Kjo nuk e nderon vendin tonë! Kjo nuk nderon askënd prej nesh! Kemi standardet më të ulëta në të gjithë rajonin e Ballkanit Perëndimor, dhe jo vetëm kaq, të mos përmend vende të veçanta dhe standarde të veçanta.

Qeveria ka përgatitur një ligj, i cili së shpejti do të vijë në parlament.

Pse vjen ai ligj? Se e kërkon në mënyrë sistematike dhe insistuese Bashkimi Europian, për të arritur një standard më të pranueshëm, me qëllim që të jemi të përgatitur gjatë negocimit në lidhje me kapitullin e të drejtave të njeriut dhe të minoriteteve.

Ka ardhur një projektligj, i cili nuk ka asgjë të re. Është një projektligj, i cili ripërtyp slogane propagandistike, pa shënuar asnjë hap në lidhje me çështjet që kanë të bëjnë me aspekte të përditshme të jetës së komuniteteve, që u përkasin minoriteteve, të mbrojtjes së minoriteteve, të mbrojtjes së identitetit, të trashëgimisë, të përdorimit të gjuhës së tyre.

Kryeministri ynë, si koncept bazë për të drejtat e minoriteteve, nuk ka integrimin e tyre, siç e kanë të gjitha vendet që duan të kenë një koherencë shoqërore, por ka asimilimin, dhe për këtë asimilim nuk heziton të përdorë mjete politike, mjete ekonomike dhe të natyrave të tjera. Kjo u manifestua më së miri edhe gjatë fushatës së fundit elektorale.

Po e përfundoj me këtë kapitull për të kaluar në një nënkapitull, që sërish dje iu referua pjesërisht dhe në mënyrë propagandistike.

Ju ndoqët para disa ditësh një mbledhje, që u bë lajmi i parë në zhvillimet politike të vendit, të këshillit bashkiak të Himarës.

Këshilli bashkiak i Himarës, zotërinj të nderuar, zonja të nderuara, u zhvillua në praninë e Forcave të Ndërhyrjes së Shpejtë, në skajin më të largët të Bashkisë së Himarës, në fshatin Kuç dhe jo në selinë e bashkisë, sikur të ishim në kushte Kandahari, apo Alepoje në Siri! Përse?! Përse duhet të mblidhet një këshill bashkiak në këto kushte terrori?! Sepse Edi Rama, i cili luante edhe rolin e kryetarit të Bashkisë së Himarës, kërkon me çdo kusht të imponojë të quajturin masterplan apo planin e përgjithshëm të zhvillimit. Përtej çdolloj etiketimi që mund t’i bëj dhe kërkon t’i bëj në mënyrë sistematike, nuk mund të fsheh se ai është një projekt grabitjeje masive e pronës së banorëve të Himarës, duke filluar nga Llogoraja deri në Sarandë.

Në Himarë nuk njihet pronësia, zotërinj! Në Himarë nuk u regjistrohet prona qytetarëve. Nuk regjistrohet prona as me titujt e pronësisë përpara shtetëzimit të pronës në vitin’45-’46, as me vendime të gjykatave apo të komisioneve të kthimit dhe kompensimit të pronës. Nuk u njihet dhe nuk u regjistrohet prona as me titujt e pronësisë në bazë të ligjit nr.7051, dhe për më tepër, ndodh precedenti i paparë dhe i padëgjuar, shteti synon dhe ka si objektiv të konfiskojë pronat e privatëve dhe t’ua kalojë ato privatëve të tjerë, në një kohë që e dimë se konfiskimi bëhet për arsye madhore dhe gjithmonë nga privati në favor të shtetit, dhe jo të realizohet ky konfiskim nga shteti, nga njëri privat në favor të interesave të privatit tjetër.

Zoti Rama, i cili ka nisur një fushatë mediatike për ta paraqitur këtë projekt si projektin e zhvillimit, është në fakt duke synuar realizimin e tjetërsimit masiv të pronës në Himarë, duka ua rrëmbyer atë pronarëve të ligjshëm, në favor të interesave klienteliste dhe të oligarkëve.

Po ju them një shembull shumë konkret: të gjithë besoj e keni parasysh zonën e Dhraleos që shikohet menjëherë sa zbret kthesat e Llogorasë. Familja Duni, në pronat e veta, me leje ndërtimi, në bazë të të gjitha rregullave të shtetit, kishte ndërtuar tre objekte. Në vitin 2014, sa erdhi në pushtet zoti Rama, që i ka shumë qejf buldozerët dhe çekiçët, i rrëzoi. Pasi këta qytetarët iu drejtuan gjykatave, kanë në dorë vendime të gjykatave të Apelit, që kërkojë dëmshpërblimin prej 150 mijë eurosh për çdo objekt të prishur. Për të tria, sot e kësaj dite nuk kanë marrë asnjë cent! Për më tepër kërkojnë në gjykata që t’u jepet leja të rindërtojnë në trojet e tyre. As kjo e drejtë nuk respektohet! Por çfarë donte  në  pronat e familjes Duni një mik i zotit Rama, klient i tij, i cili po ndërton një fshat turistik?

Kjo është situata, të nderuar kolegë deputetë, kjo është situata, të nderuar qytetarë që na dëgjoni në këtë orë të vonë.

Por dua t’ia bëj të qartë zotit Rama se edhe në epokat e tjera, edhe në sistemet e tjera politike askush nuk ia ka dalë të nëpërkëmbë të drejtat e njeriut, të drejtat e minoriteteve, aq më tepër të drejtën e shenjtë të pronës. Kushdo që e bën këtë gjë, do të përballet me banorët e Himarës, me ne, përfaqësuesit e tyre, dhe me të gjithë njerëzit e qytetëruar të Republikës së Shqipërisë, që duan një shoqëri dhe një shtet me ligje dhe me rregulla, do të përballet këtu në parlament, në Bruksel, në Uashington dhe kudo.

Të nderuar zotërinj, do të vazhdoj me çështjen tjetër lidhur me  marrëdhëniet me vendin fqinj, Greqinë.

Unë kam diskutuar lidhur me programet e shumë qeverive, që prej vitit 2001 (pavarësisht se kam qenë edhe në parlamentin jetëshkurtër të viteve 1996-1997) të qeverisë “Nano”, të qeverisë “Majko”, të qeverisë “Meta”, të qeverisë “Berisha 1” dhe “Berisha 2” dhe nuk kam parë asnjëherë një konceptim të tillë të marrëdhënieve me një shtet fqinj, marrëdhënie të një rëndësie të veçantë, të një vendi anëtar të NATO-s dhe të BE-së; të një vendi ku kemi numrin më të madh të emigrantëve; të një vendi, i cili është investitori i parë gjatë 27 vjetëve të fundit për sa u përket investimeve të huaja direkt në vendin tonë; të një vendi që ka bërë avokati sistematike për integrimin e Shqipërisë si në NATO, ashtu edhe sot në BE. Po ju kujtoj se integrimi i Ballkanit Perëndimor, ku përfshihet edhe Shqipëria, në kuadër të iniciativës së Selanikut është ndërmarrë gjatë presidencës greke të BE-së. Shqipëria mori statusin e vendit kandidat gjatë presidencës greke. Rrjedhimisht, cilat qenkan këto probleme të mëdha midis Shqipërisë dhe Greqisë? Kryeministri i vendit në 4 vjet qeverisje, sa herë negociohej, nuk artikuloi asnjëherë konkretisht se në cilat çështje pati përparime dhe në cilat nuk i arriti ato. Ai asnjëherë nuk u pozicionua. Nga njëra anë, në kongresin e partisë ndërseu njerëz për të bllokuar hyrjen e Ministrisë së Jashtme kur e vizitoi një ministër i Jashtëm i një vendi të BE-së, dhe, nga ana tjetër, i thotë atij në takim: “Lërini të protestojnë se nuk ka çështje të tilla”.

Pra, më lejoni të shpreh vlerësimin tim se midis Shqipërisë dhe Greqisë ka një problem, ky problem është Edi Rama me axhendën e tij politike, e cila nuk është as e popullit shqiptar, as e interesave të Shqipërisë, por është një axhendë e tij personale dhe meqenëse kjo është mbledhja e parë e Kuvendit nuk dua të them diçka më të rëndë, që është në shërbim të interesave të treta.

Marrëdhëniet ndërmjet dy vendeve, cilatdo qofshin ato, nuk varen vetëm nga vullnetet e qeverisë së sotme, të djeshme apo të nesërme, ato kanë një substrat objektiv. Marrëdhëniet midis Shqipërisë dhe Greqisë kanë substratin më të qëndrueshëm, garanci për to është minoriteti grek në Shqipëri, janë emigrantët në Greqi, janë investitorët, janë popujt që kanë fijet më të dendura të  lidhjeve midis tyre krahasuar me të gjithë popujt e tjerë.

Dua të vazhdoj me një çështje shumë kritike, me çështjen e narkotikëve.

Pjesërisht Kryeministri ka filluar të belbëzojë dhe të pranojë dimensionin real të këtij fenomeni. Në shtator të vitit 2016, gjatë legjislaturës së kaluar, në këtë sallë ngrita zërin për çështjen e kultivimit të narkotikëve. U gjenda përballë një sulmi të koordinuar ministrash, si dhe nga vetë Kryeministri, duke mohuar, duke ironizuar dhe duke lëshuar insinuata të të gjitha natyrave.

Sot ata e pranojnë, por a mjafton kjo? Pse nuk na e thonë se kush nuk i lejonte, që ta shikonin dhe ta luftonin fenomenin që po i krijonte imazhit të vendit kaq shumë probleme? Pse nuk na thotë se kush nuk e lejoi që të merrte informacion për situatën në terren? Ai thjesht e injoroi? Mos vallë e toleroi apo edhe më keq, mos vallë bashkëpunoi? A do të shprehet njeri në këtë vend se kush është ai “i madhi” për të cilin flasin përgjimet e bisedave të njerëzve të involvuar në këto trafiqe? Heshtje. Këto gjëra kërkojnë përgjigje. Nuk i kërkojmë vetëm ne përgjigjet, ne jemi dhe duhet të jemi të parët që i kërkojmë, por i kërkon edhe Europa, i kërkojnë edhe mediet më prestigjioze. Javën e kaluar gazeta më prestigjioze në Europë dhe në Gjermani, “FAZ”, e ngriti me të madhe këtë çështje.

Të nderuar kolegë deputetë, koha është e pamjaftueshme për të trajtuar  një sërë çështjesh të tjera. Dua ta përfundoj fjalën time duke folur në lidhje me jetën dhe me nivelin e jetës parlamentare.

I nderuar zoti Kryetar,

Ne kemi një parlament dhe parlamentarë ambulantë. Unë besoj se përvoja juaj në krye të Grupit Parlamentar të Partisë Socialiste gjatë këtyre vjetëve do të bëjë që të merrni masa, që të kemi një parlament funksional, përtej retorikës së Kryeministrit, i cili dihet se është një nga njerëzit që nuk ka asnjë lloj simpatie për parlamentarizmin dhe përpiqet t’i ekspozojë gjithmonë deputetët si njerëz me favore. Mund të ketë favore, por, ju lutem, krijoni kushtet minimale për të pushuar çdo deputet ambulant.

Faleminderit dhe suksese edhe një herë!

 

 

DEKLARATË PËR SHTYP – KRYETARI DEKLARATË PËR SHTYP – KRYETARI

DEKLARATË PËR SHTYP

 

KRYETARI

 

“Më 25 gusht qytetarët e Himarës u ftuan të marrin pjesë në mbledhjen e jashtëzakonshme dhe të hapur të Këshillit të Bashkisë me objekt planin e përgjithshëm të zhvillimit vendor.

Por, në vend të transparencës, debatit konstruktiv dhe vendimmarrjes demokratike, pjesëmarrësit u gjendën përballë një situate të pakonceptueshme të dhunës së verbër ndaj tyre nga ana e policisë bashkiake dhe të anullimit përfundimisht pa asnjë arsye dhe motiv të mbledhjes së thirrur.

Gjatë fundjavës, shumë nga qytetarët pjesëmarrës u thirrën nga policia e shtetit në kundërshtim të hapur me ligjin dhe procedurat e tij “për të dhënë shpjegime” për pjesëmarrjen e tyre në mbledhjen e hapur të këshillit ku ishin ftuar publikisht.

Ndërsa sot, në shkelje flagrante të afateve dhe në papajtueshmëri të hapur me ligjin për funksionimin  e pushtetit vendor, thirret sërish mbledhja e Këshillit Bashkiak për datën 30 gusht, kësaj rradhe jo në selinë e vet, por në fshatin Kuç.

Së pari, dëshirojmë të vëmë përsëri dhe përsëri në dukje se këto veprime synojnë ekskluzivisht rrëmbimin me çdo kusht dhe mënyrë të pronës nga pronarët e vetë të ligjshëm dhe tjetërsimin e statusit pronësor më gjerë, në dëm të banorëve autoktonë të Himarës dhe në favor te interesave oligarke por edhe të atyre klienteliste te z Rama.

Së dyti, këto veprime përbëjnë dëshmi te pakundërshtueshme qe provojnë në mënyrën më të prekshme mprapshtësinë e qëllimeve te vërteta të fshehura pas ndarjes së fundit territoriale-administrative për Himarën.

 

Së treti, u drejtohemi ambasadorëve të nderuar të akredituar ne vendin tonë, veçanërisht atyre të SHBA, BE-së, OSBE-së dhe Këshillit te Europës që të kthejnë syrin dhe vëmendjen si edhe të kontribuojnë që tu jipet fund këtyre padrejtësive absurde në dëm të komunitetit historik te Himarës. Mentalitete, metoda dhe veprime  të tilla nuk kanë asgjë të përbashkët me shtetin e së drejtës, praktikat europiane dhe civilizimin tonë perëndimor.

Së fundi, a mund të flejë i qetë për fatet e demokracisë në vendin tonë çdo qytetar i përgjegjshëm kur një komunitet i tërë trajtohet me politika qe nuk kanë asnjë lidhje me të (demokracinë)?! Aq me tepër kur këto politika janë të inspiruara dhe zbatimi i tyre i monitoruar drejtpërsëdrejti nga kryeministri i vendit?!”

DEKLARATË PËR SHTYP:Denoncim i tentativës për penalizim masiv të qytetarëve të Himarës me synim definitiv realizimin e planeve për konfiskim të pasurisë së tyre. DEKLARATË PËR SHTYP:Denoncim i tentativës për penalizim masiv të qytetarëve të Himarës me synim definitiv realizimin e planeve për konfiskim të pasurisë së tyre.

DEKLARATË PËR SHTYP

  

Denoncim i tentativës për penalizim masiv të qytetarëve të Himarës me synim definitiv realizimin e planeve për konfiskim të pasurisë së tyre.

 

Në vazhdën e përpjekjes për realizimin e gjoja planifikemeve urbane të Qeverisë Rama, që kërkon kodifikimin  e tyre përmes vendimeve të atoritetit vendor në Bashkinë e Himarës, sipas edhe kërkesës së procedrave për t’i përfshirë ato në financim nga BERZH, te premten, me 25 gusht, gjendja u acarua më tej. Policia e Shtetit u implikua në mënyrë të paligjshme dhe shoqëroi në Komisariate dhjetra qytetarë të zonës. Bile në këto momente nën kërcënimin e shoqërimit të dhunshëm është Kryetari i Degës së OMONOIAS dhe Kandidat për Kryetar Bashkie i PBDNJ-së z. Fredi Beleri.

Janë dy fakte që bëjnë përshtypje: nga njëra anë është e drejtë dhe bile përbën detyrim të qytetarit të marrë pjesë në mbledhjet e Këshillit Bashkiak dhe të kontrollojë vendimarrjen e organeve të zgjedhura, por nga ana tjetër sa qytetarë deshën të jenë të pranishëm në mbledjen e Këshillit në fjalë dje, e premte 25 Gusht, tani po i shoqërojnë në dhomat e paraburgimit. Gjithashtu shoqërimi i Belerit është i nxitur dhe pa argument. Vetë ai nuk ishte i pranishëm në incidentet që provokuan njerez  të Kryetarit të Bashkisë Goro, të cilët pengonin aksesin e qytetarëve në mbledhjen që ishte thirrur në një vend larg qendrave të banuara dhe në një kafe bar të natyrës së destinacioneve turistike.   Penalizimi i Kryetarit të OMONOIAS është porositur dhe paralajmeruar nga mjetet e propagandës dhe informimit masiv të Kryeministrit Rama në mënyrë që sipas motivit tashmë të njohur të duket sikur reagimi i komunitetit lokal është i nxitur nga Helenët. Vetëm se tanimë ky blof nuk kalon më.

Qytetarët e kanë tashmë të qartë se synimi i gjoja ndërhyrjeve urbanizuese është ushtrim represioni ndaj tyre dhe përjashtimi nga perspektiva e zhvillimit të zonës përmes zhveshjes pronësore.

Apelohet shteti që të ftillohet në mënyrë të menjëherëshme dhe të ndërpresë dhunimin e qytetarëve me përdorimin përtej caqeve ligjore të Policisë.

Nën klimë kërcënimesh të kësaj natyre dyshojmë se Këshilli Bashkiak do të rimblidhet për të institucionalizuar porositë nga lart.  Por ato tanimë konsiderohen të anulluara paraprakisht nga reagimet e popullit të Himarës.

Natyrisht fenomene të zhdukjes se çdo elementi demokracie dhe hapësire të shprehjes së komunitetit qe ka mbetur ende, kanë fundin e njohur të çdo diktature. Nga kjo pikëpamje shembulli i qytetarëve të Himarës shpejt apo vonë ka për tu përshëndetur dhe përqafuar nga shoqëria e gjithë vendit.

Le të mos na shpëtojë fakti se objektivi i parë dhe më sensibël i çfarëdo natyre qeverisjeje jodemokratike janë grupet e natyrës së minoriteteve. Këmbanat në Himarë bien me kumbime apeluese!

 

Tiranë, më 27 Gusht 2017

Contacts and information

Social networks

Most popular categories

Buy This Theme
© 2011 Gadgetine Wordpress theme by orange-themes.com All rights reserved.